da Noeles

Chisc dis végnel partì fora te dutes les assoziazions turistiches y dai ostiers dla Ladinia n jolantin firmé dai doi comités promotours

Per sensibilisé l’opinion publica taliana, che conesc dret puech la chestion ladina, peia via chisc dis na ofensiva de informazionn con n jolantin che ti spliga en curt y en cler ai sciors talians les motivazions dl referendum ladin di 28-29 de otober che fova sté coroné da n suzes de entourn al 80% per l passaje di trei comuns da souramont a la region Trentin-Sudtirol. L jolantin é firmé da Marco Pizzinini (Amisc dla Ladinia Unida) y da Siro Bigontina (comité per la reunificazion dla Ladinia da souramont).

De chest jolantin en él vegnù stampé ca. 10.000 copies che vegnirà partides fora te duta la Ladinia da pert dles asoziaziuns turistiches, te boteighes, da pert di ostiers y metus fora te eserzizes publics. L jolantin dal titul “Le ragioni del referendum ladino a Cortina, Colle Santa Lucia e Livinallongo del Col di Ladina” [sic!] spliga en curt dut cie l comité rata che al sie dret che la jent dess savei de pruma persona en cont dl referendum, dantaldut che al se trata dl grup di “ladins storics”, nia da confone con i neo-ladins tl Beluneis da chi che an se destanzieia clermenter : “da non confondere con i ca. 50.000 neo-ladini del Cadore e dell’Agordino, che hanno strumentalizzato l’aggettivo “ladino” per i propri interessi, spesso in opposizione diametrale ai ladini storici” y nia de motifs economics, ma dantaldut storics-linguistics. Defat dantaldut a Cortina ài cialé de mete rams tles rodes ai pro-referendars con argomentazions.

L jolantin pòn desçiarié te format .pdf dal sit www.amiscdlaladinia.info

Flugblatt herunterladen

Erschienen bei Noeles am 05.02.08.

Von den Promotoren der ladinischen Wiedervereinigung kann man in Sachen Transparenz, Information und Medienarbeit unglaublich viel lernen. Weiter so!