Costruà­ na rëi de colaboraziun danter i rapresentanc ladins tl’Euregio por sostignà­ le laur cultural y l’identité ladina: chësta é stada la tematica zentrala — sciöche infurmëia l’Ofize Stampa de Südtirol — dl’incuntada a Balsan danter l’assessur por la cultura ladina Florian Mussner y Luca Agostini, presidënt dl Istitut cultural ladin Cesa de Jan de Col. Agostini é gnü nominé da püch rapresentant cultural di Comuns da Souramont (Fodom, Col y Anpezo) tl’Euregio.

Sön scomenciadia dl assessur dl govern de Südtirol Florian Mussner à¡ la Comisciun interregionala di trëi consëis legislatifs dl’Euregio dl Südtirol, Tirol y Trentin (Dreierlandtag) aprové te süa sentada plenara l’ann passé la nominaziun de n aconsiadú estern di trëi comuns ladins dl Tirol storich Fodom, Col y Anpezo tles consulënzes por le sostëgn dla cultura ladina. Do l’aprovaziun da pert dl’Euregio él gnü lité al’unanimité dai trëi consëis di comuns de Souramont le presidënt dl Istitut cultural Cesa de Jan Luca Agostini sciöche rapresentant y aconsiadú estern, che s’à¡ incunté inier cun l’assessur por la scora y cultura ladina Florian Mussner a Balsan. «La nominaziun de n rapresentant di trëi comuns ladins de Souramont é n’ocajiun surapró por sostignà­ la colaboraziun danter i ladins dles trëi provinzies a bëgn dla cultura ladina y por se baraté fora ciamó plü sovënz. Te chësc vers é l’Euregio n’ocajiun ideala por porté inant nostes ghiranzes», à¡ sotligné l’assessur Mussner y le rapresentant cultural Agostini. «Cun l’inserimënt di trëi Comuns de Souramont pro la consulënza de tematiches culturales únse a desposiziun n stromënt implü por renforzé la rëi de interaziun danter les valades ladines, dantadöt por se baraté fora sön la sconanza desvalia dla cultura y dla rujeneda dles trëi provinzies», insciö l’assessur Mussner.

I trëi Comuns de Souramont alda, dantadöt por ci che reverda la storia y la cultura, pro le raiun dl Tirol y dl’Euregio, à¡ recordé Agostini che à¡ sotligné inant che süa inciaria é gnüda a se le dé tres süa funziun sciöche presidënt dl Istitut cultural Cesa de Jan y cun le consëns ampl da pert di consëis di trëi comuns, y che al portarà¡ inant l’inciaria tres na colaboraziun strënta cun i Comuns. Agostini y Mussner s’à¡ acordé da se tignà­ inant en contat ince cun Beppe Detomas, aconsiadú ladin dla Provinzia de Trënt, por mët sö na rëi de colaboraziun tl’Euregio por porté inant les ghiranzes y propostes te na manira deboriada.

Cëla enghe: 01