A \u201cCortina Incontra\u201d ai 27 de messel: coche n minister dessena su duc<\/p>\n
n comentar de Riccardo Zanoner, vize-president dla Union Generela<\/u><\/em><\/p>\n Suzed\u00f9 \u00e9l enstad\u00ec a Cortina. L Minister Renato Brunetta, pro na conferenza publica, endana che al dijova ju dl\u2019autonomia dl Trentin-S\u00fcdtirol, \u00e0l ciam\u00f2 enjont\u00e9: \u00abNon possiamo dare specialit\u00e0 e risorse per mettere i fiori e le fioriere ai balconi\u00bb.<\/strong> (I ne podon nia reconesce spezialit\u00e9s y ressurses per mete ciofs sun i sol\u00e9s).<\/p>\n Al \u00e9 bele da n trat enc\u00e0 che, per gauja dl\u2019autonomia, nes v\u00e9gnel dit dutentourn de ester \u201cprivilej\u00e9s\u201d\u009d, che al \u00e9 dem\u00e9 na chestion de din\u00e9s y che l stat, per gauja dl\u2019autonomia, ti ret a nosta region depl\u00f9 de cie che al scod alencontra de coutes. N mingol de retorica che vignitant zachei nes reversa ados a nos, sentadins dles regions autonomes, ence per ascone les colpes de n stat che se fej tres plu ert de funzion\u00e9, che porta melester tla jent, che \u00e0 tres plu problems de organisazion aministrativa, burocratica y che ne \u00e9 nia datant de ti j\u00ec do ai temps, de f\u00e9 reformes y de se restrutur\u00e9. Sen \u00e9l al govern la \u201cLega Nord\u201d\u009d, n part\u00ec che dij de volei mete en ester l federalism, i vedaron. Entratant n iade, plutost che vegn\u00ec a vedei y entene coche ala funzioneia nosta autonomia, che \u00e9 belavisa n ejempl de sistem \u201cfederal\u201d\u009d (olache apede ai din\u00e9s \u00e9l samben competenzes, servisc, funzionament de enc, istituzions, organs y aparac publics con duc si cos\u0107 che autr\u00f3 mess vegn\u00ec pai\u00e9s dal stat y che chil\u00f2 enveze vegn pai\u00e9s da la region y da les provinzies), v\u00e9gnei endere fora con d\u00ec che chil\u00f2 adouren i din\u00e9s dl\u2019autonomia per mete fora \u201cfiori e fioriere ai balconi\u201d\u009d (ciofs y lades de ciofs sun i sol\u00e9s).<\/p>\n Apede chisc fac, ajache i son tl 2008, y donca \u00e9l tost 100 agn da la fin de la Gran Vera, me v\u00e9gnel en ment ence cieze autres robes. Enlaouta nosc vedli, do 4 agn de vera con dutes sies tribolazions, struscies y padimenc, \u00e0 ved\u00f9 desmendr\u00ec almanco dl mez l valour dla \u201ccorona austriaca\u201d\u009d. Defat, canche al \u00e9 sclop\u00e9 fora la vera, sun la plaza de Zurich\/Turic valova 1 na corona austriaca 1 na lira y 10 centeisems. Ai 15 de november dl 1918 \u00e0 depierpul l general Pecori Giraldi, governadour dles \u201cTerre redente\u201d\u009d, stabil\u00ec tres na sia ordenanza l engiame de 40 centeisems per 1 na corona austriaca. Zachei se recorda ciam\u00f2 che tl Trentin j\u00ecvei entourn a d\u00ec: \u201cTrento redento al 40 per cento\u201d\u009d. Chi \u00e9 pa st\u00e9 enlaouta l \u201cprivilej\u00e9\u201d\u009d? Ciam\u00f2 apede: n mudl de jent che ova ab\u00f9 danns endana la vera ova port\u00e9 dant sies ghiranzes, ti damanan a l\u2019autorit\u00e9 militara, ald\u00f2 de coche ai fova us\u00e9s a f\u00e9 sot a l\u2019Austria en caje de calamit\u00e9s desche agajons, meldefuesc o de autres desgrazies, de podei avei n sostegn finanziar. I plovans enstesc racomanova de ester galantoms, y de f\u00e9 na domanda senziera zenza fauzaries; emben enlaouta a Roma \u00e0i dezid\u00f9 de assegn\u00e9 dem\u00e9 n contribut dl 30% sun i \u201cdanni accertati\u201d\u009d (dans azert\u00e9s), donca dem\u00e9 a chi che i volova. End\u00f2 \u201cprivilegs\u201d\u009d chisc per la jent de nost raion?<\/p>\n Ie reconesce che anter les desposizions aministratives de nosta autonomia l stat talian ti d\u00e0 de outa a nosta region i 9\/10 (nuef-diejems) de coutes y tasses che al scod, ma al \u00e9 pa tres din\u00e9s de nosta jent; donca \u00e9l ressurses che vegn c\u00e0 da nost teritore zenza ti rob\u00e9 nia a degugn. Dessegur che dl 1948, canche adum con les competenzes dl \u201cStatut Spezial de Autonomia\u201d\u009d, \u00e9l vegn\u00f9 met\u00f9 en ester ence chesta sort de sistem finanziar, i 9 \/ 10 dles \u201cmeseries\u201d\u009d dl Trentin \u2013 S\u00fcdtirol ne ti enteressova nia al Stat talian. Encuei les robes \u00e9 mudedes, y nosta Region y les provinzies con chest sistem \u00e0 a la leta bendebot de ressurses, ma sce i son ensc\u00ec \u00e9l ence percie che nosta jent se \u00e0 d\u00e9 da f\u00e9. Ala \u00e0 laor\u00e9, ala \u00e0 sparagn\u00e9, ala \u00e9 bona de se aministr\u00e9 y sce a zachei ti dest\u00f9rbel che chil\u00f2 onse zeche plu che i autri, podonse ence ti record\u00e9 che, sce ala \u00e9 ence enscila, fosc vuelel d\u00ec che la storia va do sie troi, l temp concia ite les loces, y encuei nes v\u00e9gnel dem\u00e9 ret\u00f9 cie che nes \u00e9 vegn\u00f9 tout dant 100 agn.<\/p>\n
\nAl basta record\u00e9 che te chi medems agn la Franzia, che ova venciu` la vera contra la Germania y che ova ciaf\u00e9 retus i teritores dl\u2019Alsazia y dla Lorena, \u00e0 stabil\u00ec n engiame dla valuta al 100% dl medem valour dla moneida todescia, belavisa per daid\u00e9 chela jent che ova pad\u00ec dejajes y desdruzions entratant l temp de vera.<\/p>\n