{"id":3017,"date":"2009-09-09T12:08:57","date_gmt":"2009-09-09T10:08:57","guid":{"rendered":"http:\/\/www.brennerbasisdemokratie.eu\/?p=3017"},"modified":"2021-06-10T09:36:27","modified_gmt":"2021-06-10T07:36:27","slug":"la-vera-di-toponims","status":"publish","type":"post","link":"https:\/\/www.brennerbasisdemokratie.eu\/?p=3017","title":{"rendered":"La vera di toponims."},"content":{"rendered":"

Sun la chestion di toponims zapa sen ence ite l Comissar dl Govern a Bulsan, Fulvio Testi, pretenan che l AVS mete su les tofles bilinghes (trilinghes! ma en verit\u00e9 dantaldut la dizion taliana) sun i trois da mont y chel tres na sort de ultimatum: anter i 15 de otober. Chest ne vegnir\u00e0 ben nia tegn\u00f9 ite, ajache degun part\u00ec todesch ne p\u00f2 se empermete y ne ti dar\u00e0 mai sostegn ai inoms tolomeics ofizialis\u00e9s dal fascism, tant demanco te chest temp ol\u00e0\u00a0che al vegn record\u00e9 Andreas Hofer y l’unit\u00e9 de Tirol a Dispruch te valch edema. En plu \u00e0 la provinzia de Bulsan, alad\u00f2 dl statut, la competenza primara sun la toponomastica. Dem\u00e9 che al fova na chestion tant zitia che enfin a ciam\u00f2 ti \u00e0\u00a0n astil\u00e9 fora. La vera di toponims jir\u00e0 inant, la chestion cuej.<\/p>\n

L AVS (Alpenverein Sudtirol) \u00e0 dessegur d\u00e9 n vare massa inant, sfrian demez ence de scemples indicazions sciche “Fermata”, “2 ore a …”, “Bolzano”, “Laives” per talian da sies tofles y sternan dlonch esonims todesc sibe tles valedes ladines che soura les seides provinziales fora. Les diretives vegniva dal aut, dal president Georg Simeoni. Demez con i toponims talians (y en pert con chi ladins)!<\/p>\n

Ma nience da pert taliana ne \u00e9l nia dut ensc\u00ec, cler, linear y logich, desche la argomentazin se dejouj. Te Sudtirol m\u00e9ssen respet\u00e9 i derc de na mendranza, autr\u00f2 tla Talia ne i rec\u00f2nescen nience. An s\u00e0, la Talia \u00e9 n stat che se fej ert de f\u00e9 valch ativamenter per les mendranzes: la despartizion di ladins \u00e9 dem\u00e9 un n ejempl eclatant, la situazion di furlans o di ozitans n’autra. Dem\u00e9 cheles mendranzes che giaud de na sconanza particolara tres n tratat internazional: i todesc de Sudtirol (Acord de Paris y 2 ressoluzions dl’ONU per men\u00e9 do) y i slovens tla provinzia de Triest (tratat de Osimo) \u00e9 plu al segur giuridicamenter. La Talia \u00e0 chil\u00f2 mess\u00f9 se storje a la prescion internazionala. Dem\u00e9 chestes does mendranzes \u00e0 na brancia internazionala. I autri \u00e9 sotmetus a les vueies y vueia de d\u00e9 pro valch dert a na mendranza ne \u00e0\u00a0n tla Talia nia cis. N lingaz de mendranza vegn al plu toler\u00e9 sciche “coriosit\u00e9 folcloristica locala”, da mete endere dagnora sot a la gran tofla “talianiscim”. Ensc\u00ec p\u00f2n ence giudich\u00e9 l fat che la court costituzionala \u00e0 afon\u00e9 la lege regionala sun na maiour sconanza y promozion tl Friul. Contra l furlan \u00e0\u00a0n fat ti ultims agn na campagna dassen agressiva sun i maiours foliec a livel nazional: dut cie che al vegn fat per promueve l lingaz furlan \u00e9 n desmaz\u00e9 scioldi publics y vegn demeztroi ridicolis\u00e9 sciche localism ciaradous. I ladins \u00e9 ence dem\u00e9 “n ejempl de convivenza” tant die che al \u00e9 folclor.<\/p>\n

Te Sudtirol vol\u00e9ssen sen maz\u00e9 tres “a ries” la toponomastica de Ettore Tolomei con de vigni sort de argomentazions (16.735 toponims ofizialis\u00e9s dl 1923 dal rejim fascist, en gran pert traduzions o adatazions al lingaz talian; chest fova dem\u00e9 1 n pont sun l program de Tolomei, ciala liam dessot). Les origines de chesta toponomastica ne vegn depierpul nia metudes en discuscion. Al contrar: te n iade deventa duc de gran sostegnidours dl “bilinguism”, dl “europeism”, dl “multiculturalism y dl “multilinguism”, ence chi de man dreta che combat da tres contra l statut de autonomia, ma con i toponims tolomeics. Enfinamai l part\u00ec SD (Sinistra Democratica – Demokratische Linke) se \u00e0 daman\u00e9 l respet di toponims tolomeics ofizialis\u00e9s tl temp fascist tres na plura a la procura. Nience l assessour en ciaria (PD) y vize-president, Christian Tommasini, ne p\u00f2 se tr\u00e9 sotfora a les prescions dl CAI (Club Alpino Italiano) che ne vuel daldut ne nia renunzi\u00e9 a les traduzions tolomeiches (“Prontuario dei nomi locali dell’Alto Adige” – http:\/\/xoomer.virgilio.it\/tribunale\/), dutaorela ofiziales sun les chertes talianes. A chesta moda cioda i ladins end\u00f2 de ruv\u00e9 n iade sot a les rodes de todesc y de talians.<\/p>\n

L spirit de Ettore Tolomei da Wikipedia:<\/p>\n