Fá le soldá y imparé cherianza.

de Iaco Rigo

Tla Talia él salté fora chëstes edemes discusciuns söl ann de sorvisc militar y zivil. Salvini se aodass che i jogn fajess indô l’ann de soldá por imparé disciplina, ordin y cherianza. Döt bun y dërt, ma che le fin primar dl fá le soldá y le sorvisc zivil én ater! Por imparé cherianza n’adoron nia alenamënt cun les ermes y le nonism, ma na educaziun iüsta. Döt val’ d’ater é la proposta di Paisc Todësc da mëte sö le dovëi da fá n ann de sorvisc volontar do la scora: n te’ ann ti fajess bun ai jogn, a dötes les strutöres soziales y ala jënt che adora assistënza y aiüt. Chësc ann podess tambëgn eduché la jonëza, ti daurí i edli defrunt ai debojëgns de vita y familia, y daidé garantí inant le sorvisc de pröm aiüt volontar sciöche les compagnies de socurs y pröm aiüt (Crusc Blancia, Crusc Cöcena, Stodafüc…). Forsc imparass i jogn avisa tres i debli deplü cherianza, y gniss de carater plü gaierc co sce ai mëss passé tres casermes y se lascé ciapé sot da lönes autoritares!

La Usc di Ladins.

Gesundheit Militär Soziales | | | Usc di Ladins | | Lega | Ladin