Categories
BBD

Les valedes ladines se desven.
Ausverkauf der ladinischen Täler

Tles valedes ladines végnel fat su y venù fora ciases te na mesura che fej festide. Nia demé i gran nucles turistics de Anpezo, Alta Badia, Gherdeina y Fascia é tochés da chest fenomen, ma tres deplù tamben i paisc ratés turisticamenter manco svilupés sciche la pert bassa dla Val Badia. “Una casa in montagna” é l some de trueps talians y tres deplù se ejaudesc chest dejidere. La jent dl post ne pò nia dagnora se empermete les ciases fates su da dites privates o ne les vuel nia ajache ales é gonot de metradura taieda pro a vegnì venudes a jent da foradecà sciche ciasa de vacanzes.

Sen rùvel da l’Alta Badia l scrai do leges fabricales plu restritives y n plan regoladour a mesura dl teritore che scone l vert. Sun i prospec turistics végnel dutaorela ciamò rafiguré les ciases y les majons vedles, l vert y na natura sana enton, n cheder enzaridoul turisticamenter, depierpul che la realté ciala fora autramenter. I paurs, p.ej. a Corvara, é a les ultimes, i pres da mont cresc ite y i tablés y les tiejes toma adum. Al é bele na marevueia che an ciafia ciamò da sié i pres entourn paisc. Sen vuel les aministrazions comunales deberieda con l’assoziazion turistica dl’Alta Badia mete na arferadura a chest prozes che cioda da mete en pericul l turism enstes. Paisc con massa truepes secondes ciases, la majera pert dl ann vuetes, con liscios scluc y zenza vita, ne fej nia na bona imprescion y dereneia l turism.

Cie che an ciafia da compré pòn vedei  tres n clich scempl te internet, p.ej. sun l sit http://www.agenziaedelweiss.it/, na agentura tla Val Badia, olà che an ciafa ofertes da compré ciasa dant l Istitut Ladin Micurà de Rü, te n gran comples de abitazions fat su da la dita Bioc-Bau Costruzions.
Les percentuales de secondes ciases cresc dlon cherscian. Aladò de n stude de Legambiente dl 2009 él:

  • a Cortina d’Ampez 2.471 ciases de jent dl post envers a 3.957 de “ciases freides” (l 61,56%);
  • a Corvara 290 abitazions de vacanza ( (39,40%) envers a 446 de jent dl post;
  • a Badia él 801 secondes ciases (l45,77%)  envers a 949 abitazions de jent dl post;
  • a San Martin de Tor 160 secondes ciases (l23,85%) envers a 511 de jent dl post;
  • te Mareo 497 (37,06%) envers a 844 ciases de jent dl post;
  • a La Val 68 (16,55%) envers a 343 de jent dl post;
  • a Urtijei 600 (27,5%) envers a 1602 ciases de jent dl post
  • a Santa Cristina 410 (39,50%) envers a 628 de jent dl post;
  • a Selva 494 (36,84%) envers a 847 de jent dl post.
  • te Fascia arjonj les percentuales dlonch soura l 50%:
  • Moena 1.471 secondes ciases (58,47) envers a 1.045 de jent dl post;
  • a Cianacei 1.291 (65,67%) envers a 675 de jent dl post;
  • a Vich de Fascia 611 (61,65%) envers a 380 de jent dl post;
  • a Poza de Fascia 1.385 (68,03%) envers a 651 ciases de jent dl post;
  • a Mazin 1.059 secondes ciases (85,61%) envers a 178 de jent dl post;
  • a Soraga 318 secondes ciases (57,92%) envers a 231 de jent dl post.

Chestes zifres ne é samben nia assolutes (ales ne tol nia en conscidrazion la grandeza dles abitazions), ma ales mostra a poura nia su la tendenza de desvenuda.

http://www.legambiente.eu/documenti/2009/0521_dossiervari/dossierAlpi_secondeCase.pdf

Übernommen von Noeles

Einen Fehler gefunden? Teilen Sie es uns mit. | Hai trovato un errore? Comunicacelo.

One reply on “Les valedes ladines se desven.
Ausverkauf der ladinischen Täler

Die ladinischen Täler sind die Spitze des Eisbergs. Sie gehen besonders sorglos mit der Ressource Baugrund um und riskieren die Majorisierung, wo gerade die kleinste Sprachgruppe in Südtirol sehr vorsichtig sein sollte. Wenige Nutznießer setzen da den Bestand einer Bevölkerung aufs Spiel, die über Jahrhunderte überlebt hat. Es ist zu Hoffen, dass im Oktober das Referendum gegen den Ausverkauf des Wohnraums an Touristen angenommen wird!

Leave a Reply

Your email address will not be published. Required fields are marked *